Isabel, maldita!

(RUEL MENDOZA)

Makakasama nga si Isabel Oli sa bagong GMA Sine Novela na Maging Akin Ka Lamang, na pagbibidahan nina Nadine Samonte at Polo Ravales.

Hango ito sa 1987 Viva movie ng the late Lino Brocka na originally ay pinagbidahan nina Lorna Tolentino, Christopher de Leon, Dina Bonnevie at Jay Ilagan.

Hindi nga makapaniwala si Isabel na sa kanya ibibigay ang role ni Lorna Tolentino bilang si Rosita Monteverde. Paborito ni Isabel si Lorna kaya masaya siya.

Alam ni Isabel na maraming awards na napanalunan si LT dahil sa pelikulang ito.

“Napanood ko sa TV ‘yung Maging Akin Ka Lamang at galing na galing ako kay Ms. LT. Hindi ko akalain na balang araw ako ang gaganap sa role na iyon.

“Definitely, maiiba na ang image ko kasi bida-kon­trabida ang pagganap ni Rosita. Medyo maiiba ang looks ko pati na ang mga gagawin ko sa drama na ito. Kasi nga aakitin ko si Polo rito at nanakawin ko ang anak nila ni Nadine.

“So it’s a total change talaga from the image na nakilala ako ng marami.

Nasanay na silang mahinhin ako, pa-sweet at nagpapa-tweetums. Ngayon lalabas ang pagiging maldita ko rito.”

Sabi pa ni Isabel, gusto niyang makausap si LT para makakuha siya ng tips kung paano nito ginampanan ng buong husay ang papel na Rosita.

“Gusto kong may malaman ako kay Ms. LT. Kasi nga the late Lino Brocka ang nagdirek ng movie at gusto kong makakuha ng ilang acting tips. Pero hindi ko naman totally gagayahin si Ms. LT. Magbibigay pa rin ako ng sarili kong interpretasyon sa role.”

------------
Maging Akin Ka Lamang premiers on Jan 21 2008 on Dramarama (replacing Pasan Ko)
Watch out for mall tours of the cast and SOP on Jan 20, 2008.

Good Luck Idol!