Paolo Contis and Isabel Oli "fixing" their relationship

by Dinno Erece c/o pep.ph
Sunday, May 6, 2007

After the operation of Isabel Oli's father dito sa Pilipinas, lumipad ang pamilya nila patungong Singapore kung saan naka-base ang mga magulang at kapatid na babae ng aktres. Doon na raw magre-recuperate ang ama ni Isabel.

Si Paolo Contis naman, nagsimula nang mag-taping for Fantastic Man bilang si Madam Tisay, ang operadang kontrabida. Kasama rin siya sa bagong sitcom ng GMA-7 na Who's Your Daddy Now?.

Kinumpirma nina Paolo at Isabel sa PEP (Philippine Entertainment Portal), via separate text messages, na inaayos nilang muli ang kanilang relasyon.

Una silang nagkasama sa Sugo ni Richard Gutierrez; si Paolo bilang main kontrabida at si Isabel naman bilang partner ni Richard. By the time nagsama sila sa "Like Mother, Like Daughters" episode sa Love to Love noon, sila nang dalawa. Although, like their first show, hindi uli sila ang magka-partner dito dahil si Julia Clarete ang partner ni Paolo at si Alfred Vargas naman for Isabel.

Ang huli nilang pinagsamahan, kung saan sila umamin na sila na nga, ay sa Atlantika. Paolo joined Isabel's Christian Fellowship, at kung kailan pa man din pareho na ang religion nila ay saka naman lumabo ang kanilang relasyon. Kasabay na rin kasi nito ang sakit ng ama ni Isabel na nagpapagulo pa lalo sa isip ng dalaga.

Pero sabi nga sa amin ni Paolo, inaayos na nila ang relationship nila.

"Well, we're fixing it right now. Actually we're getting better," sabi ng young actor.

Hindi naman ikinaila ni Isabel ang sinabi ni Paolo sa amin at biniro pa kaming buti at happy din kami for them.

"Sana nga mas okay na ang lahat," sabi ni Isabel.

Susubukan daw ni Paolo na dumalaw kay Isabel sa Singapore dahil June pa ang balik ng dalaga. Pero hindi pa raw siya sigurado, depende sa schedule niya.

Before Isabel left for Singapore, she and Paolo were seen during the special screening of Spider-Man 3 last May 1 sa SM Mall of Asia.

-------------------------
from Abante-tonite.com 5/3/07 c/o Abu Tilamzik
Magkasama sina Paolo Contis at Isabel Oli sa panonood ng Spider-Man 3 sa Podium nu’ng Martes at mukhang okay na sila.

Sabi ni Paolo, okay sila ni Isabel kahit nagkaroon ng konting problema noon. Masasabing nasa stage pa rin sila ng pag-aayos pero ayaw na munang idetalye ni Paolo ang tungkol diyan.

Ang importante, okay raw sila at walang problema sa kanila ngayon ni Isabel.

Tahimik lang si Isabel sa mga tanong namin. Kung ano ang sagot ni Paolo, iyon na raw ‘yun.