Paolo, gustong sundan si Isabel

c/o abante-tonite.com 5/12/2007
Peoples Tonite
KAHIT hindi pa official ang reconciliation, inamin ni Paolo Contis na constant ang communication nila ng (ex?) girlfriend na si Isabel Oli. In touch daw sila kahit nasa Singapore pa ang dalaga with her family.

Ani Paolo, saka niya na-realize kung gaano kamahal ang GF nang iwan siya nito. Kaya naman kahit sasailalim pa lang sa Smart Lipo under Dra. Vicki Belo kahapon ng hapon, ang pagsunod na kay Isabel sa Singapore ang pinaplano ng young actor.

“Kahit three days lang,” hirit nito sa manager na si Lolit Solis, “pangit naman kasi kung sa text namin pag-uusapan ang tungkol sa reconciliation, ’di ba? If I go there, baka sakali.”

Yes, nagpasipsip si Paolo ng taba para maibalik ang 32-inch waistline at updated si Isabel tungkol dito. Tumaba raw kasi si Paolo at nagkaroon ng love handles dahil sa kakakain sa taping.

“Nu’ng nasa Middle East ako, mga 200 tao yata ang tumawag sa akin na taba. Muntik ko ngang tadyakan, eh,” birong tsika ng aktor, na 190 lbs. at 5’10” tall sa edad na 23.

Hindi raw siya takot sa halos two-hour lipo procedure, na kinober pa ng FHM, dahil under sedation siya all throughout. In one or two days, puwede nang maglakad si Paolo.

By the way, nang malamang magpapa-lipo si Paolo, pinadalhan ito ni Claudine Barretto, naging co-star sa Home Along da Riles, ng sandamukal na sanitary pad at sheet.